30 di november 2017 ta e ultimo dia pa entrega e declaracion definitivo di winstbelasting 2016 y haci e pago corespondiente

E fecha final aki ta valido pa e clientenan cu ta mantene e aña economico (boekjaar) igual cu e aña calendario. Pa e clientenan cu ta mantene e aña economico no igual cu e aña calendario, e fechanan final pa entrega e declaracion y haci pago ta para aki bou:

Declaracion provisional

Manera conoci, tur cliente di winstbelasting cu no a alcansa pa entrega nan declaracion definitivo di aña 2016 riba dia 31 di mei ultimo, mester a entrega e declaracion provisional y haci e pago corespondiente e momento ey. Esnan cu a cumpli cu e condicionnan aki, a haya 6 luna mas di tempo pa por prepara e declaracion definitivo. E fecha final pa entrega e declaracion definitivo ta 30 di november proximo. Ley no ta permiti mas prolongacion di termino. 

Cobransa adicional

E clientenan cu no a cumpli cu entregamento di e declaracion definitivo 2016 y/of no a haci e pago conforme e declaracion, lo ricibi un cobransa adicional esta un ‘naheffingsaanslag’ inclui boet.

E boet pa no cumpli cu entregamento di e declaracion ta maximo Afl. 2.500,-. Si no haci e pago di winstbelasting of no haci e pago corectamente, e boet ta maximo Afl. 10.000,-.