Alerta di biento duro

Dit item is gearchiveerd op 09-02-2020.

ORANJESTAD – Servicio Meteorologico a emiti un alerta pa biento duro ta drenta na vigor diahuebs dia 9 di januari 2020 for di 12:00pm y lo ta valido te cu un proximo aviso.

Na mes momento un aviso di advertencia pa botonan chikito den lama habri y specialmente e areanan cerca di costa oost te noordwest lo drenta na vigor diahuebs 9 di janauri atardi pa 6:00pm.

Un area di presion halto riba ocean atlantico ta birando mas fuerte y lo haci un diferencia di presion mas grandi den region Caribe durante e proximo dianan. Biento lo supla cu mas o menos 22 te 27 nudo y ta anticipa cu lo por tin rafaganan cu de bes en cuando lo por yega 35 te kisas 40 nudo (beaufort 8).

Esaki lo haci cu lama na su turno tambe lo bira bruto na cierto localidadnan. Ta pidi publico pa tene cuenta cu e biento duro y ta urgi specialmente e usuarionan di lama y e marineronan pa tene cautela riba lama habri y cerca di costa ya cu e biento duro lo causa lama localmente bastante bruto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options