Atrobe tin alerta pa biento duro for di diabierna 17 di januari 2020 awor na Aruba

Dit item is gearchiveerd op 17-02-2020.

ORANJESTAD - Servicio Meteorologico a emiti un alerta pa biento duro cu lo drenta na vigor diabierna 17 di januari 2020, merdia 12'or y lo keda valido te dialuna atardi 6'or.

Un aviso pa boto chikito pa lama habri y specialmente e areanan cerca di costa oost te noordwest ta keda na vigor te diamars atardi 6'or.

Synopsis 

Un area di presion halto riba Atlantico lo bolbe reforsa y haci e diferencia di presion den region di Caribe mas grandi durante e proximo fin di siman y parti di otro siman. Biento lo bay supla cu mas o menos 22 te 27 nudo y ta anticipa cu lo por tin rafaganan cu de bes en cuando lo por yega 35 te kisas 40 nudo (beaufort 8) den posibel awacero.  Esaki lo combina cu labaderanan for di noordoost produci pa un frente friu djies noord di Caribe pa tene lama bruto na cierto localidadnan durante proximo dianan.

Accion de precaucion

Ta pidi publico pa tene cuenta cu e biento duro y ta urgi specialmente na e usuarionan di lama y marineronan pa tene cautela riba lama habri y cerca di costa ya cu e biento combina cu labaderanan lo bay causa lama localmente bastante bruto. Mester tene cuidao extremo na costa oost te noordwest y ta pidi usuarionan di lama y doñonan di boto chikito pa preferiblemente no aventura na e partinan di costa aki. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options