Ban cuida nos muchanan den carnaval

Dit item is gearchiveerd op 15-02-2020.

ORANJESTAD - Despues di parada di flambeu, algun potret di mucha chikito a circula kendenan tambe tabata presente na e parada aki te den e oranan laat di anochi.

Esaki a causa consternacion den nos comunidad pa motibo cu tambe por categorisa e hecho aki como un tipo di abuso di mucha. Abuso no solamente mester ta sexual y/of físico, pero:

  • Negligencia tambe ta un sorto di abuso;
  • exposicion di nos muchanan na vicio di droga y alcohol tambe ta abuso.
  • expone nan oidonan fragil na musica duro por tin daño permanente pa nan oido, tambe ta un abuso.
  •  y asina por sigui menciona mas.

Particpantenan durante e conferencia di prensa tocante proteccion di mucha durante temporada di carnival.Diabierna ultimo Minister Glenbert Croes conhuntamente cu Minister di Husticia Sr. Andin Bikker, a reuni cu algun stakeholder cardinal manera:

  • Bureau Sostenemi;
  • Directie Voogdijraad;
  • Wit Gele Kruis;
  • Opvoedcommissie;
  • Korps Politie Aruba (KPA);
  • Directie Wetgeving en Juridische Zaken (DWJZ);
  • Departamento di Asunto Social (DAS)
  •  y Sociaal Crisisplan (SCP).

SCP proactivamente a presenta un campaña di conscientisacion na Gobierno di Aruba cu tin como meta mustra e mayornan riba nan responsabilidad.

Recientemente a presenta e plan aki na comunidad di Aruba atrabes di e rueda di prensa semanal di Gobierno di Aruba.

Minister Cores a haci un apelacion na tur mayor, na tur adulto cu ta den bida di un criatura pa proteha nan. Mescos cu ta tuma un comunidad pa lanta un mucha, ta responsabilidad di e comunidad pa cuida y proteha e criatura. Unda cu un mayor ta faya, e otro mester cay aden. Si ta ambos ta faya, e welonan mester cay aden y asina por sigui. E  network social di e mucha mester ta activo pa nan bienestar y proteccion.

Y unda no tin esaki ta Gobierno su deber pa percura pa proteccion di nos criaturanan.

"Ban cuida nos muchanan den temporada di Carnaval. Hunto cu mi Colega Ministro di Husticia y mi persona nos ta trahando hunto cu e Team y Partners di e Crisis Plan Social pa nos cuida y protega nos muchanan durante e temporada di Carnaval. E siguridad di nos muchanan ta responsabilidad di nos tur", e mandatario ta termina bisando.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options