Bishita Minister Knops na Aruba

Dit item is gearchiveerd op 15-02-2020.

ORANJESTAD - Minister Raymond Knops di Asuntonan Interno y di Relacionnan den Reino durante su bishita cortico na Aruba, a keda hopi satisfecho di e bishita cu el a haci na Fundacion Hende Muher den Dificultad (FHMD ) y e instituto  medico Imsan na San Nicolas.

Bishita Minister Hulandes di Asunto Interno y Relacion den Reino, Raymond Knops na Fundacion Hende Muher den Dificultad (FHMD)Prome Minister Evelyn Wever-Croes a compaña Minister Knops durante e bishitanan aki na unda ambos a expresa nan satisfaccion pa e trabounan haci tanto na FHMD como na Imsan.

Na Fundacion Hende Muher den Dificultad Minister Knops por a wak con e fundacion ta funciona y ta comprometi cu hende muhe maltrata. Danki na e e sosten financierno di Hulanda, lo aumenta e capacidad lo di 5 pa 11 camber. Prome Minister a expresa cu e ta hopi satisfecho di e trabou cu e fundacion ta haci. Director di e FHMD Suzy Kock y coordinador Magali Maduro a duna hopi informacion di tur e trabou cu e fundacion ta realisa tur dia y tambe a contesta tur pregunta haci na nan.

Minister Hulandes di Asunto Interno y Relacion den Reino, Raymond Knops y Minister President mr. Evelyn Wever-CroesDespues di e bishita na FHMD, e delegacion a bay rumbo San Nicolas pa bishita e instituto  medico ImSan. Aki, Prome Minister y Minister Knops por a wak e cambernan cu recientemente a renoba, entre nan e camber di operacion y e camber di radioterapia.

Bishita Minister Hulandes di Asunto Interno y Relacion den Reino, Raymond Knops na ImSan“Mi ta impresiona cu e inversionnan di Imsan y e vision cu Director Dr. Joel Raijnherc e establece. ImSan sin duda lo contribui grandemente na e mehoracion di asistencia di cuido medico”, Prome Minister a expresa.

Tambe Minister Knops a expresa durante su conferencia di prensa cu e ta satisfecho cu e stapnan cu Gabinete Wever-Croes ta tuma pa pone Aruba bek riba e caminda pa finansas publico sostenibel y a menciona tambe e bon relacion entre Aruba y Hulanda.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options