Campaña pa conscientisa pueblo tocante prohibicion di saco di plastic

Entrante1 di januari 2017 e tasnan di plastic no ta permiti. Meta ta pa elimina cu e tasnan ta susha caya y lama. Un video ta forma parti di un campaña di conscientisacion pa stimula uzo di tasnan duradero cu ta bon pa medio ambiente

Uzo di saco di plastic, specialmente esun cu ta obtenibel den supermercado conoci como “t-shirt bag” lo ta prohibi entrante 1 di januari.   Diferente supermercado ya a introduci un tas duradero y stop e uzo di saco di plastic pa duna un contribucion na cuido di naturalesa.

Un comision consistiendo di representantenan di Gobierno y di sector particular manera   lo informa e comunidad tocante e desbentahanan di e saco di plastic y e bentaha di un tas duradero.

Na Aruba consumidornan ta uza pa aña hunto mas o menos 30 miyon di saco di plastic.

Un gran parti ta bay den baki di sushi y otro parti ta termina como sushi.

Gruponan di medio ambiente ta subraya cu  saconan di plastic cu ta bula bay den naturalesa ta nifica un peliger pa nos medio ambiente, tanto riba tera como den lama.

Polis lo ta encarga pa controla cu cumplimento di e ley aki hunto cu 'City Inspector'