HomeActualidadNoticiaCBS ta buscando encuestado pa Encuesta di Entrada y Gastonan 2016 (Budgetonderzoek)

CBS ta buscando encuestado pa Encuesta di Entrada y Gastonan 2016 (Budgetonderzoek)

Dit item is gearchiveerd op 18-05-2016.

ORANJESTAD - Oficina Central di Estadistica (CBS) ta organisa un Encuesta di Entrada y Gastonan 2016 cu lo cuminsa dia 23 di mei 2016 y lo termina dia 15 di juli 2016.

Durante di e encuesta aki, lo acerca mas di 1600 hogar pa yena nan entrada y gasto durante e periodo di 2 siman.

Den cuadro di henter e preparacion di e encuesta, CBS ta den proceso pa busca 32 encuestadonan pa asina nan por bishita hogarnan durante e periodo di e encuesta. Mediante e comunicado aki CBS ta spera di haya e encuestadonan necesario.

E exigencianan pa por bin na remarca pa bira un encuestado ta:

  1. Minimalmente MAVO diploma
  2. Edad minimo di 18 aña
  3. Por traha cu un Android Tablet
  4. Preferiblemente cu experiencia di haci encuesta
  5. Mester ta disponibel full time 40 ora pa siman, tambe den weekend
  6. Conocemento di Papiamento, Hulandes, Ingles y Spaño
  7. Transporte propio
  8. Mester sigui algun mainta di instruccion

CBS ta ofrece un compensacion pa cada hogar encuesta. Lo paga e compensacion na final di e periodo di encuesta.
Formulario di inscripcion ta obtenibel na oficina di CBS, L.G. Smith Boulevard 160, Sun Plaza Mall. Por inscribi desde dialuna 18 di April te cu diabierna 22 di April.

Pa mas informacion, por tuma contacto na tel. 524-7417 of via e-mail: ykelly@cbs.aw.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options