Censo 2020

Dit item is gearchiveerd op 16-02-2020.

ORANJESTAD- Riba 15 di januari 2020 Oficina Central di Estadistica (CBS) a tene un conferencia di prensa pa anuncia oficialmente cu e aña aki ta e Aña di Censo 2020”.

Censo 2020Censo 2020 lo tuma luga durante e dianan 1 te cu 10 di october y lo ta completamente digital.

Conteo General di Poblacion y Vivienda
Cada 10 aña CBS ta organisa un conteo general di poblacion y vivienda, mihor conoci como Censo, na cual Aruba completo ta participa. E Censo ta un conteo general di tur esnan cu ta biba na Aruba y tin e proposito di haya contesta riba e tres pregunta cardinal:

  • Ken nos ta;
  • Cuanto nos ta;
  • Con nos ta biba.

Censo 2020Metanan di Desaroyo sostenibel

E aña aki tambe ta comienso di e decada di implementacion di Metanan di Desaroyo Sostenibel (Sustainable Development Goals). CBS tambe ta duna aporte na e decada di implementacion di e SDGs ya cu Censo 2020 lo sirbi como e istrumento principal pa e coleccion di dato pa calculacion di e indicadornan di SDGs.

Tellernan Censo 2020Preparacion
E preparacionnan ya a cuminsa y cu ayudo di un compañía di mercadeo lo informa pueblo mas mihor posibel riba tur aspecto relata na Censo 2020. Actualmente CBS ta trahando riba un website nobo p’asina por uza e plataforma aki pa brinda informacion specialmente pa Censo 2020. Pronto tambe CBS lo ofrece pueblo un lista cu informacion cu cada persona por prepara adelanta pa contesta e preguntanan di Censo 2020, p’asina e entrevista por bay mas liher. Esaki ta un punto cu hopi biaha a trece dilanti durante Censo Piloto cu a tuma luga na october aña pasa.

TelcentrumTelcentrum
Durante e Censo 2020, lo parti Aruba den 5 districto:

  • San Nicolas;
  • Santa Cruz;
  • Paradera;
  • Oranjestad;
  • Noord.

Actualmente CBS ta buscando un lugar central den cada districto for di unda por guia e trabou di Censo 2020. Di e manera aki, e personal di CBS lo ta mas cerca di e tellernan y di pueblo p’asina duna asistencia y informacion na tur esnan cu mester di dje. E telcentrum principal lo ta situa na Sun Plaza mes, na unda e oficina di CBS ta ubica.

Den e documento aki por haya mas informacion tocante Censo 2020.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options