Departamento di Impuesto a cuminsa duna servicio na Noord

Na e momentonan aki ta duna servicio di caha, pues e clientenan – tanto personanan priva como comerciantenan - por haci pago di cualkier tipo di belasting y tambe pago pa permiso di DIMAS. Alabes por registra vehiculo di motor, haci cambio di nomber of entrega plach’i number. Na momento di paga number di auto, e cliente por ricibi su sticker mesora tambe.

E clientenan cu tur luna ta haci pago via banco y tin cu entrega nan declaracion di por ehempel loonbelasting, BBO/BAZV, toeristenheffing etc., por haci esaki na Noord tambe.

Departamento di Impuesto ta yama tur cliente bon bini, specialmente e clientenan di Noord mes y vecindario.

E orario di servicio na Noord ta di 8:00 mainta te cu 3:00 atardi non-stop. Na momento cu un cliente yega e ta tuma un number y ta sigui pa piso 2 unda tin 2 balie.