Departamento di Impuesto cu yudansa pa yena papel di belasting 2015

E campaña ta specialmente pa:

• pensionado, persona individual cu un entrada bruto di maximo 75.000 florin
• y parehanan casa cu un entrada maximo di 150.000 florin.

Pa personanan cu tin un negoshi of cu ta traha riba nan mes, ta recomenda nan pa haci uzo di un consehero si nan no por yena e formulario.

Pa por haya un miho ayudo Departamento di Impuesto ta pidi su clientenan pa trece e formulario di declaracion 2015 hunto cu tur

documento necesario relaciona cu entrada y gasto, tanto na Aruba como den exterior, manera:

• resumen di salario y/of pension di trabou;
• resumen di entrada y gasto di huur di cas of apartamento;
• resumen di pension di biehes of pension di huerfano;
• carta di interes di banco y/of otro instancia;
• comprobante di prima di seguro di bida;
• comprobante di pago di alimentacion na ex-casa;
• comprobante di inscripcion di scol, recibonan di contribucion di scol, material di estudio y/of gasto di pasashi pa yiu cu ta den exterior haciendo un estudio cu no ta posibel na Aruba

Ta importante pa trece tur comprobante necesario den e declaracion.

Si ta trata di un pareha casa, mester tin tambe e ‘persoonsnummer’ di e señora.

Lo duna e ayudo for di 23 te cu 31 di januari 2017na MFA Noord.

Ultimo dia pa entrega e papel di belasting ta 1 di juni 2017.