Departamento di Salud Publico atravez di Seccion Cuido Salud Hubenil ta cumpli cu derecho di nos muchanan

Dit item is gearchiveerd op 15-02-2020.

ORANJESTAD - Segun acuerdo di Nationnan Uni tur mucha bou 18 aña tin derecho riba cuido di salud pa nan por crece y desaroya sano.

Ad Cuido Salud hubenilPa por cumpli cu e derecho aki, Seccion Cuido Salud Hubenil (Jeugdgezondheidszorg) ta bishita tur scol primario y basico na Aruba pa duna cuido di salud preventivo na nos muchanan. Durante e controlnan di salud aki nos enfermeronan y docternan ta controla e aspecto fisico, mental y social di nos muchanan.

Ad Cuido Salud hubenilComo cu esaki ta derecho di tur mucha, e mayor of voogd cu tin un yiu ta bishita scol primario of basico ta wordo informa di e controlnan pa medio di un carta na momento cu e mucha cuminsa scol primario of basico pa prome biaha. Mayor cu no ta desea of tin obhecion pa su yiu ricibi e control di salud tin pa haci esaki por escrito pa medio di e carta cu nan ta ricibi na cas for di Seccion Cuido Salud Hubenil. E controlnan di salud ta sosode durante e añanan cu e mucha ta na scol.

E mayornan cu no tin obhecion y cu si ta desea di ricibi e servicio di cuido di salud pa nan yiu, no mester entrega ni tampoco manda ningun carta bek pa nos. Di e manera aki seccion cuido salud hubenil ta cuida y proteha salud di nos muchanan di Aruba.

Pa mas informacion por tuma contacto cu Seccion Cuido Salud Hubenil na 5224200 of mail nos na jgz@aruba.gov.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options