Comunidad di Aruba a keda conmociona door di e morto cruel di e dos criaturanan. E dia di luto nacional lo cay riba dia di entiero. Riba e dia aki lo hisa e banderanan halfstok na e edificionan di gobierno.
Despues di entierro lo tin un caminata silencioso (stille tocht) unda comunidad lo bin hunto pa para keto riba maltrato, abuso y negligencia di mucha.
Ministerio di Asunto Social, Ministerio di Enseñansa, Ministrio di Salud Publico y Ministerio di Husticia lo traha un plan pa preveni, señala y combati mas tanto posibel maltrato di mucha. Cu e enfoke multidisciplinario di e ministerionanan ariba menciona y nan departamentonan lo actua conhuntomente ora di sospecha di maltrato, abuso y negligencia di mucha. Gobierno ta spera cu e enfoke integral y cu ayudo di comunidad lo evita un tragedia similar.
Puntonan di accion den concreto cu lo tuma luga denter un termino corto ta entre otro:
- Lo bin un meldpunt pa profesionalnan den cuido social y cuido di salud, como tambe pa pueblo di Aruba.
- Lo cambio e legislacion existente pa proteha muchanan mihor.
- Lo fortifica e capacidad di Directie Voogdijraad. Lo inverti pa atrae y educa funcionarionan nobo pa fortifica capacidad di Directie Voogdijraad.
- Lo percura cu ta cumpli cu e ley di obligacion di enseñansa (leerplicht). Lo elimina e burocracia actual cu ta stroba registra y trata meldingen.
- Docentenan lo haya training con pa señala maltrato di mucha. Tambe cabesantenan di scol lo sigui curso den ley di leerplicht, p’asina nan tin e conocemento, compension y vision di ley y regulacion, pa por uza esaki na bienestar di nos hoben – y muchanan
Share this page