E dia aki ta para den contexto di idioma, diversidad di cultura y di multilingüismo (ora cu un comunidad por expresa su mes den varios idioma). Pa UNESCO, idioma ta instrumento pa mantene bibo herencia cultural. Door di honra idioma materno, e tradicion di idioma y cultura ta keda existi.
Riba 21 di mei 2003 Papiamento, banda di Hulandes a keda reconoce como idioma oficial. Na ocasion di e jubileo di 15 aña a proclama e aña aki como aña di Papiamento. Durante aña lo tin diferente actividad pa celebra e jubileo aki.
Riba diaranson 21 di februari 2018, Fundacion Lanta Papiamento (FLP) lo tene un anochi festivo cu diferente charla, declamcion di poesia, exposición di material di Scol Multilingual.
FLP ta invita henter comunidad di Aruba pa asisti na e evento aki.
Fecha: diaranson, 21 di februari 2018
Luga: Biblioteca Nacional Aruba
Adres: George Madurostraat 13
Ora: 7.00 – 9.00pm
Entrada: Gratis
Share this page