E EFL 2016 lo tuma luga den cooperacion cu e Oficina Central di Estadistica (CBS), como tambe di Banco Central di Aruba (CBA). E EFL ta un encuesta bou di hogarnan na Aruba cu ta sirbi pa midi e desaroyonan recien riba mercado laboral.
Meta principal di e encuesta aki ta pa haya un bista mas actual posibel di nos mercado laboral pa aña 2016. Pa medio di e EFL ta colecta informacion valioso di trahadonan, hendenan desemplea y hendenan economicamente no activo. Pa medio di e informacion colecta tambe ta necesario pa un analisis mas profundo di e mercado laboral, manera e.o. e grado di participacion y e nivel di educacion di e trahadonan.
Otro meta importante di e EFL 2016 ta e midimento di e cifra di desempleo na Aruba. E datonan y e tendencia señala lo sirbi es nan cu ta stipula maneho, gobernantenan, investigadonan y empresarionan pa desaroya un maneho mas specifico segun e necesidadnan di e mercado laboral.
Lo bishita adresnan rond di Aruba y lo entrevista tur persona di 15 aña of mas.
Share this page