Tur persona cu ta busca trabou, kier haya promocion of kier cambia di trabou, ta bonbini na Expo Labor 2016. Expo Labor 2016 a tuma luga di 10.00 or di mainta te cu 09.00 or di anochi den Renaissance Convention Center. Entrada ta gratis. Cu cooperacion di Aruparking, parkeo lo ta gratis dilanti di Renaissance Center (luga di Parkeer H) Por haya mas informacion riba Facebook: Expo Labor Aruba.
Mas di 50 compania lo ta presente pa busca candidato pa un gran variedad di trabou. Lo tin mas cu 400 vacatura disponibel unda buscado di trabou lo haya mas informacion riba e vacatura y rekisitonan pa e funcion. Dunado di trabou por papia cu buscado di trabou pa haci un cita di trabou of hasta por yega na un match.
Durante henter dia lo tene tayer y charla cortico unda ta yuda participantenan pa ta exitoso den nan solicitud pa trabou y nan carera. Topiconan ta entre otro, con pa skirbi un carta di solicitud, con pa hinca un CV den otro y con pa sigui crece den bo trabou pa logra funcionnan halto.
Lo anuncia denter di tres siman si of den cua forma e rafinaderia na San Nicolas lo cuminsa cu su actividadnan. Mas probabel ta cu Gobierno di Aruba lo tuma e instalacionnan over y lo huur esaki despues cu compania petrolero Citgo pa rafina crudo pisa for di Venezuela.
Cu lo tin mester di trahado ta sigur, pero pa cua funcion, lo wordo splica pa Alvin Koolman den un presentacion, unda e lo splica cua vacatura por spera y con e proceso di selecciona trahado lo ta. Gobierno lo coordina e proceso pa Citgo, p’asina e compania por cuminsa cu e procedura di solicitud ora cu e contractnan ta firma.
Cu proyectonan manera Expo Labor 2016, Maneho Ban Traha, CITGO Desk y Servicio pa yuda hende haya trabou, meta di Ministerio di Asunto Social, Hubentud y Labor y Departamento di Labor ta yuda mas tanto hende haya un trabou paga.
Share this page