Tema di e aña aki ta “Opa en Oma: voor altijd jong”. Fred Diks ta autor di e regalo pa e siman di buki cu ilustracion di e ilustrado Arubano Ryan Oduber.
Autornan y ilustradonan di Hulanda, Surnam, Aruba, Corsou, Bonaire y St. Maarten lo comparti nan experiencia cu muchanan na Aruba.
Durante e siman di 31 october te cu 4 di november e autornan lo bishita mas o menos sesenta scol pa asina promove lesamento cerca e muchanan. Door di combersa cu e Muchanan nan lo conta di nan experiencia tocante nan trabou, cu ta skirbi of ilustra un buki.
Den oranan di atardi lo organisa actividadnan na Biblioteca Nacional na Oranjestad como tambe na Sta. Teresita Center na San Nicolas. E actividadnan lo cuminsa pa 3.00 or di atardi.
Festival ta start riba 28 di october cu un mercado di buki unda por cumpra diferente buki di mucha. Actividadnan ta cuminsa patras di e edificio di Biblioteca na Oranjestad y ta cuminsa pa 6 ora di atardi y termina pa 8.00 or di anochi.
Share this page