E productonan cu ta pertenece na e pakete basico aki ta como lo siguiente: sucu, aros, hariña di maishi, cuminda y lechi pa baby, koffie, te, lechi en polvo, lechi pa koffie, manteca, margarina, azeta pa cushina, webo di galiña y pan blanco.
Pa benta di e productonan cu ta pertenece na e pakete basico di e consumidor e mayorista mester haci un peticion pa calculacion di e prijsnan maximo na DAECI. Pa por adapta e prijsnan stipula pa productonan di un cargamento nobo, tambe mester entrega un peticion por escrito na DAECI. Lo baha productonan di primera necesidad cu no tin prijs maximo stipula pa DAECI for di reki den e supermercadonan.
E adaptacion di e prijsnan maximo pa e productonan aki ta stipula cada dos siman y publica den e corantnan local.
Mayoristanan cu ta percura pa yena reki y prijs e productonan den e supermercadonan, mester tene na cuenta pa adapta e prijsnan nobo stipula mas pronto cu ta posibel, specialmente ora cu e prijsnan baha y tambe percura cu e productonan tin un indicacion di prijs. Den caso cu nota cu falta indicacion di prijs, lo atende gerencia di e supermercado riba e particular.
A base di e regulacion pa indicacion di prijs pa producto y servicio tur negoshi tin e obligacion pa pone indicacion di prijs pa producto y/of servicio cu mester ta claramente visibel y lesabel. Pa un stapel di e mesun productonan, por pone solamente un indicacion di prijs na e reki. E indicacion di prijs mester ta indica den valuta Arubano, unda e simbolo di “Awg.” ta wordo uza. Tambe por opta pa pone tambe su ekivalente den otro valuta bao di e condicion cu e valuta stranhero ta claramente indica.
Pa cualkier informacion tocante calculacion di prijsnan, procedura, indicacion di prijs, etc. por tuma contacto DAECI na number di telefon (297)582-1181 ext. 247 of 234.
Share this page