E apertura a tuma luga den presencia di Minister President, Sr. Mike Eman, Minister di Asunto Economico y Comunicacion Sr. Richard Arends, e CEO di Qredits, Sr. Elwin Groeneveldt, e fundador di Ondernemend Nederland, Sr. Hans Biesheuvel y e branch manager di Qredits Aruba Sr. Oliver Vieira.
Qredits ta ofrece micro credito y apoyo na empresarionan cu ta start nan negoshi como tambe empresario existente cu dificilmente ta haya acceso na credito di e banconan. Qredit ta ofrece un fiansa te cu Awg. 50.000,00 na un interes di 8.75%. E Negoshinan Mediano y Chikito(SME’s) ta un parti hopi importante den nos economia. Na Aruba 85% di negoshinan ta Negoshi Mediano y Chikito .
Mision di Qredits ta:
Qredits ta ofrece coaching y micro credito na empresario (cu ta cuminsa nan negoshi) den e sector di negoshi mediano chikito na Aruba, cu no tin acceso na e diferente servicionan (financiero) segun e circulo financiero formal, p’asina nan por logra independencia economico, financiero y social. Di e forma aki Qredits kier promove empresariado na Aruba. Qredit ta haci esaki door di ofrece un combinacion di instrumento di apoyo, coaching y solucionnan pa credito pa empresario (cu ta cuminsa nan negoshi).
Qredit kier logra cu esaki:
- Pa stimula cuminsa cu un negoshi propio;
- Pa logra cu empresarionan haci un escogencia bon pensa pa cuminsa un negoshi;
- Pa ofrece empresario (cu ta start cu un negoshi) mas oportunidad pa cuminsa y sobrevivi;
- Pa duna empresarionan (cu ta starrt un negoshi) e posibilidad pa bira financieramente/económicamente independiente;
- Pa traha un brug pa e empresarionan aki sigui crece pa haya acceso na e sector financiero regular.
Fuente: http://aruba-nl.qredits.com
Despues di e apertura a sigui un brindis placentero, cu diferente invitadonan for di entre otro mundo bancario, Camara di Comercio, ATIA y empresario hoben.
Share this page