Servicio di Impuesto cu yudansa pa yena papel di belasting 2015

Ultimo dia pa entrega e papel di belasting ta 1 di december 2016.E campaña ta specialmente pa pensionado, persona individual cu un entrada bruto di maximo 75.000 florin y parehanan casa cu un entrada maximo di 150.000 florin. Pa personanan cu tin un negoshi of cu ta traha riba nan mes, ta recomenda nan pa haci uzo di un consehero si nan no por yena e formulario.

Pa por haya un miho ayudo ta pidi tur hende pa trece diferente documento importante manera resumen di salario 2015, resumen di entrada di huur di cas, apartamento etc., carta di interes di banco of otro instancia, seguro di bida, resumen di pension di behes, resumen di pago periodico pa huerfano y prueba di pago di alimentacion na ex-casa.

Si acaso tin un of mas yiu cu ta studia den exterior, mester trece un comprobante di inscripcion di scol y e recibonan di gasto paga pa por ehempel plac’i scol, material di estudio y/of gasto di pasashi pa e yiu(nan) bini Aruba.

Lo duna e ayudo for di 21 te cu 30 di november na YMCA San Nicolas y na e oficina principal na Camacuri.

Ultimo dia pa entrega e papel di belasting ta 1 di december 2016.