Campadonan mester tene cuenta cu e fecha determina pa pone trailer y tent riba nos beach. Tent y trailer mester ta den bon condicion y mester pone nan no menos cu 10 meter for di canto di lama y no menos di 5 meter for di caminda publico.
Formulario pa pidi permiso pa kampeer ta obtenibel na tur warda di Polis desde diamars 28 di februari te cu diadomingo 24 di maart desde 9.00or di mainta te cu 11.30pm y di 1.00pm te cu 4.30pm. E permiso ta riba nomber y no mag di pas’e pa otro persona. Mester pone permiso pa campa na un caminda visibel pa polis den e tent/trailer. Esun cu tin e permiso na su nomber ta responsabel pa cumpli cu e reglanan di e permiso.
Na e permiso tin condicionnan extra mara compara cu añanan anterior. Ariba santo blanco di e beachnan no mag di haci B.B.Q., na otro parti solamente por haci B.B.Q. cu B.B.Q. pit di gas. Ta prohibi di pega candela riba nos beachnan. Ta prohibi di bende cuminda, refresco, bebida mescla, of cualkier otro tipo di articulo riba beach sin permiso. Un EHBO kit pa loke ta trata dunamento di prome auxilio cu tin den dje crema cu ta proteha contra solo (sunscreen), remedi pa desinfecta herida, verband, pleister pa herida chikito ta un rekisito
No ta permiti animal, manera cacho of cabay riba beach. Tampoco ta permita pa corta mata sin permiso y tampoco mag di orina den publico contra di un palo di coco por ehempel.
Por toca musica solamente for di den trailer of tent den siman te 10.00pm y den weekend te 12.00am y uzo di sound system/amplifiers etc. ta permiti solamente si otro campadonan no ta sinti molester di esakinan.
Tin cumpli cu regla nan riba awa mescos cu den trafico. Si bo ta uza boto mester uz’e den un forma responsabel. Por ehempel ta prohibi pa core cu boto y pa hancra den zona cu ta destina pa landa, tambe ta prohibi pa mara boto na boeinan cu ta destina pa nabegacion.
Share this page