Weganan di Rey 2016

E weganan di Rey 2016 ta un dia alegre y placentero pa tur muchanan di scolnan basico na Hulanda y e islanan den Caribe.

Dia Deportivo di Rey ta forma e curason di e weganan di Rey cu ta wordo precedi cu un desayuno festivo y saludabel. E aña aki atrobe Jumbo di Hulanda y Superfood di Aruba ta patrocina e desayuno.

Na e momento aki “Instituto Biba Saludabel y Activo(IBiSA)” ta ocupa cu diferente preparacionnan, manera train di e baile”Hupsakee” di “Kinderen voor Kinderen (Mucha pa Mucha)” cu e aña aki ta e cantica di Weganan di Rey. E instructornan deportivo di IBiSA, maestronan di ehercicio y boluntarionan ta guia y entrena e muchanan di tur 64 scolnan participante cu e intencion cu cada scol basico lo organisa un baile cu lo tuma luga dia 22 di april proximo.

Ademas tin un team di IBiSA hunto cu Superfood ta ocupa cu trahamento di e paketenan di desayuno. Pa tur cos cana bon, incluyendo e reparticion di e paketenan di desayuno a tene reunionnan cu e diferente cabesantenan y representantenan di e scolnan.

Mientrastanto e pagina di Facebook di IBiSA di Weganan di Rey: www.facebook.com/weganan.reyaruba/  ta hopi bishita.

Eynan por wak e ultimo noticianan y actividadnan cu a tuma luga e ultimo añanan y ricibi e informacion pa e aña aki.

E aña aki ta mustra cu e lo bay ta un dia deportivo saludabel y placentero pa e muchanan

https://www.youtube.com/watch?v=0nFUs6Wg8Vk

https://www.youtube.com/watch?v=WNuJnUTu5gU