Privacy

Informacion personal

Gobierno di Aruba ta respeta bo privasidad y e ta dedica su mes na proteha bo informacion personal cu bo ta comparti cune. Generalmente bo por nabega riba e website aki, sin cu bo mester suministra bo informacion personal. Den e statement di privasidad ta describi con ta adkiri bo informacion personal y con ta haci uso di nan, den caso cu bo mester suministra bo informacion personal pa bo por haña e servicio cu bo ta pidi p’e y bo a dicidi di duna nan.

"Informacion personal" ta tur informacion cu por usa pa identifica un persona. E informacion no ta keda limita na solamente nomber y fam, pero ta inclui tambe e-mailadres, adres di cas, postbus, un otro adres fisico of otro informacion di contacto, titulo, fecha di nacemento, sexo, profesion, tipo di negoshi, interesnan personal y otro informacion cu ta necesario pa duna bo e servicio cu bo ta pidi p’e.

Nabega riba e website aki ta sosode anonimo. Nos no ta warda informacion personal automaticamente. Nos ta warda informacion personal solamente ora bo haci un peticion pa un user pa login y un password, ora bo ta haci uso di cierto producto of servicio, ora bo inscribi pa of participa na un investigacion online, ora bo haci un peticion pa subi un lista di e-mail of un otro lista di corespondencia, ora bo participa na un forum of ora pa un of otro motibo bo a duna nos bo informacion personal.

Ora cu nos lo bai warda bo informacion personal nos lo notifica bo na e momento ei cu cual meta nos ta warda bo informacion. Den situacion specifico nos lo duna bo mas splicacion, si ta necesario, pa asina nos por garantisa cu bo informacion personal ta wordo trata cuidadoso y debidamente. Nos lo no pasa bo informacion personal na un otro sin bo permiso.

Pa bo seguridad y privasidad bo informacion personal ta proteha cu un password. Nos ta salvaguardia e proteccion di bo informacion personal, cu abo a suministra na nos, cu di proceduranan pa e parti fysico, electronico y administrativo. Pa cierto partinan di e website aki nos ta usa SSL-encription, cu ta usual pa e ramo di negoshi aki, ora di optimalisa e proteccion di informacion manda. Maske cu nos ta aspira pa proteha bo informacion personal lo mihor posibel, nos no por dunabo 100% garantia; nos ta conseha bo enfaticamente pa tuma tur sorto di medida di precaucion pa proteha bo informacion personal ora cu bo ta haci uso di internet. Cambia regularmente bo password, usa un combinacion di leter y cifra pa bo password y haci uso di browsernan cu ta proteha.

Cookies

Mescos cu riba hopi otro website, riba e website aki tambe por usa un tecnologia standard, e asina yama “cookie” pa warda informacion tocante e manera cu abo a usa e website. Un cookie ta un file chikito cu ta wordo crea ora bo bishita un website y cu ta wordo warda riba bo hard disk. Un cookie por contene informacion manera un userid cu e website ta usa pa warda cual ta e paginanan cu bo a bishita pero cu por contene solamente informacion cu abo mes a suministra. Un cookie no por lesa informacion for di bo hard disk ni for di cookienan traha dor di otro website. Cierto partinan di e website aki ta usa cookienan pa traha patronchi di bishita. Nos ta haci esaki pa fiha usabilidad di e informacion publica riba e website aki pa e bishitantenan y pa wak te con leu e structura di nabega ta permiti e bishitantenan yega na e informacion.

Den caso cu bo no ta desea di ricibi cookie ora cu bo ta nabega riba nos website, bo por instala bo browser di tal manera cu e ta notifica bo cu un cookie a wordo traha y cu bo por nenga pa acept’e. Tambe bo por nenga tur cookies dor di paga e functionalidad di cookie den bo browser, pero kisas es ora ei bo lo no por usa nos website completamente. Aceptamento di cookies por ta principalmente necesario pa haci tramitenan riba e website. Sin embargo un gran parti di e website por wordo usa sin cookies.

Links externo

E website aki tin links na otro website. Nos no ta duna bo informacion personal na e websitenan aki y nos no ta responsabel pa nan maneho di privasidad. Nos ta conseha bo pa tuma nota di e maneho di privasidad di e websitenan aki.

Cambio di maneho di privasidad

Nos lo cambia nos maneho di privasidad periodicamente. Den caso di un cambio grandi den e manera cu nos ta usa bo informacion personal, nos lo anuncia esaki riba e website aki.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options