Prome rijbewijs

Pa bo por haya bo prome ribewijs, bo mester tin 18 aña pariba y pasa tanto e examen teoretico como e examen pa core auto cu exito. E rijbewijs ta valido pa cinco aña.

Loke bo tin mester:

  • un prueba di identificacion valido (cedula di Aruba of paspoort);
  • un plakzegel di AWG.8,00 obtenibel na e oficina di Post of e oficinanan di Gobierno;
  • un formulario di dokter yena y aproba. Por cumpra un formulario di dokter di AWG. 16,00 na postkantoor. Bo dokter mester yena y aproba e formulario;
  • un extracto di inscripcion na censo di AWG. 5,00;
  • recibo cu a paga Awg. 90,00 ora di inscripcion pa rijexamen;
  • un suma di Awg. 50,00.

Si ta trata di un persona cu tin un permiso di estadia na Aruba, e ora ey mester presenta esaki of un paspoort Hulandes valido.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options